FILOSOFIA

Este libro é o resultado de moitos séculos de esforzo na procura dunha  explicación razoable aos asuntos da vida humana. Trata, pois, de cuestións que en toda época e cultura, a pesar do paso do tempo, permanecen como incógnitas e centros de interese. E trata das solucións que sobre esas cuestións aportaron homes e mulleres que coñecemos co nome xenérico de filósofos.Non se trata dun libro de estudio en sentido estricto, senón dun libro no que aparecen reflectidas unhas opinións que é interesante coñecer para configurarmos a nosa propia idea e o noso criterio.O libro está estruturado da seguinte forma: 1.Os Bloques temáticos. Cada bloque desenvólvese a través de tres temas que desglosan aspectos parciais dese grande apartado, pero que teñen unha forte unidade e cohesión internas. 2.Os temas. Cada un dos doce temsa subdivídese en apartados para facilital o traballo e contén unha serie de textos e actividades que complementan a exposición dos autores e autora do libro. 3.Os textos. Teñen unha dobre localización e intencionalidade. a.Moitos van  intercalados na propia exposición e forman parte da mesma. Teñen que ver directamente co que se está relatando e precisan aspectos relevantes do asunto que se trata. b.Os textos que aparecen ao remate dos apartados, son textos moi significativos sobre os asuntos que se exponen e funcionan como explicación, resume ou complemento da exposición. 4.As actividades. As actividades son de varios tipos, pero  básicamente perseguen dous obxectivos: a.Recompilar e sistematizar o visto anteriormente. Son actividades de avaliación do esforzo realizado. b.Ampliar a información. Son actividades que proponen a procura de información práctica acerca dos asuntos analizados. c.Fomentar a creatividade e o discurso filosófico propio. Son actividades que propoñen a elaboración do pensamento propio e o xuízo crítico acerca dos asuntos tratados. 5.A tribuna de Prensa. Ao remate de cada Tema, aparece un artigo relacionado co tema tratado que pretende ampliar e actualizar a información ao tempo que familiarizar ao alumnado coa lectura de textos científicos e filosóficos de prensa ou revistas especializadas. 6.As Biografías. Ao remate de cada tema aparece a reseña biográfica de homes e mulleres altamente representativos no ámbito da temática tratada co fin de que se teña acceso á vida e obras de persoas a quen debemos moito e dos que, tal vez, non se teña moito coñecemento. 7.A Bibliografía. Ao remate de cada tema aparece unha bibliografía e unha filmografía seleccionadas e  relacionadas co tema exposto.